“Биринчи резинотехника заводи” МЧЖ Ўзбекистон Республикаси Президентининг “Ангрен” эркин иқтисодий зонаси ҳудудида резинатехника буюмлари заводи қурилишини ташкил тиш чора-тадбирлари тўғрисида”ги қарори билан 2014 йилда ташкил этилиб, 2018 йил июль ойидан буён маҳсулот ишлаб чиқарилмоқда.

Корхона йилига 3 миллион дона автомобиль, 200 минг дона қишлоқ хўжалиги шиналари ҳамда 100 минг пагонметр конвейер тасмаси ишлаб чиқариш қувватига эга.

Қишлоқ хўжалиги ва автомобиль шиналарининг ягона етказиб берувчи сифатида буюртмачиларга жамият маҳсулотларини махсус маълумотлар порталида рўйхатдан ўтказиладиган тўғридан-тўғри шартномалар асосида харид қилишга рухсат берилган.

Ушбу завод фаолиятининг ривожланиши мамлакатимиз иқтисодиёт тармоқлари ўртасида кооперацион алоқаларни кенгайтириш, шунингдек, кичик бизнес ва хусусий тадбиркорликни ривожлантиришда алоҳида аҳамиятга эга.