"BIRINCHI REZINOTEXNIKA ZAVODI" MCHJ 2014 - yilda O'zbekiston Respublikasi Prezidentining «Angren erkin iqtisodiy zonasi hududida rezinatexnika mahsulotlari ishlab chiqaradigan zavod qurishni tashkil etish chora-tadbirlari to'g'risida» gi qarori bilan tashkil etilgan. Zavod maydoni 30 gektardan iborat bo'lib, 1200 ish o`rniga mo'ljallangan.

Mahsulotlarni ommaviy ishlab chiqarish 2018 yil iyul oyida boshlandi. Yillik ishlab chiqarish quvvati:

- 3 mln. avtomobil shinalari (21 turdagi);

- 200 ming dona qishloq xo'jaligi texnikalari shinalari (2 turdagi);

- 100 ming pjgonniy metr konveyer tasmalari (18 turdagi rezina-matoli va 9 turdagi rezina-simli konveyer lentalar).

Xitoyning LING LONG kompanyasining xalqaro darajadagi mutaxassislari avtomobil shinalarini ishlab chiqarishga litsenziyalovchi sifatida jalb qilindi. Shina sanoatida VMI (Gollandiya), Fischer (Germaniya), Kobelco (Yaponiya), Comerio (Italiya) kabi yetakchi kompaniyalarning ishlab chiqarish uskunalari o`rnatilgan. Ishlab chiqarilgan mahsulotlar xalqaro ECE-117 va ECE-30, ECE-54 Yevropa standartlariga muvofiq va O'zbekiston Respublikasining milliy sertifikatlash tizimidan sertifikatlangan. Shuningdek, korxona ISO 9001: 2015 standarti talablariga muvofiq sertifikatlangan.

Belgilangan matnni tinglash uchun quyidagi tugmani bosing Powered by GSpeech